طاقتور بیٹری والا ’ نوکیا2“ پاکستان میں فروخت کیلئے پیش

لاہور: معروف موبائل فون کمپنی نوکیا نے اپنے انتہائی سستے اینڈرائیڈ اسمارٹ فون نوکیا 2 کو پاکستان میں فروخت کیلئے پیش کر دیا۔ اس کی سب سے بڑی خوبی اس کی طاقتور ترین بیٹری ہے۔
روپورٹس کے مطابق نوکیا کا یہ سمارٹ فون ایچ ایم ڈی نے پاکستان میں پیش کیا جو بنیادی فیچر کے حامل ہے ، نوکیا 2 ، پانچ انچ اسکرین کے ایل ٹی پی ایس ایچ ڈی ڈسپلے کے ساتھ ہے جس کا ریزولوشن 1280×720 پکسل ہے۔اس سے ہٹ کر بھی فون کے دیگر فیچرز کافی بیسک قسم کے ہیں جیسے کواڈ کور 1.3 گیگا ہرٹز کوالکوم اسنیپ ڈراگون 212 پراسیسر اور ایک جی بی ریم، آٹھ جی بی اسٹوریج جسے ایس ڈی کارڈ کی مدد سے 128 جی بی تک بڑھایا جاسکتا ہے۔تاہم یہ فون اینڈرائیڈ 7.1 نوگیٹ آپریٹنگ سسٹم کے ساتھ ہے جس کو جلد اینڈرائیڈ 8.0 سے اپ ڈیٹ کرنے کا یقین بھی دلایا گیا ہے۔
اس فون میں 8 میگا پکسل بیک کیمرہ جبکہ 5 میگا پکسل فرنٹ کیمرہ دیا گیا ہے اور ہاں بیسک فون ہونے کے باوجود اس میں گوگل اسسٹنٹ بھی موجود ہے جو عام طور پر ایسے سستے فونز میں ہوتا نہیں۔مگر اس فون کی خاص بات اس کی طاقتور 4100 ایم اے ایچ بیٹری ہے۔کمپنی کے مطابق اس بیٹری کو ایک چارج پر دو دن تک مسلسل چلایا جاسکتا ہے۔اس کا اسٹینڈ بائی ٹائم حیران کن ہے جو 1340 گھنٹے ہے یعنی 55 دن سے بھی زیادہ، جبکہ لگاتار 19 گھنٹے بات چیت اور 139 گھنٹے موسیقی سنی جاسکتی ہے۔یہ فون تین مختلف رنگوں میں پاکستان میں 11 ہزار 430 روپے میں فروخت کے لیے پیش کیا گیا ہے۔

Source

Comments

comments

//pagead2.googlesyndication.com/pagead/js/adsbygoogle.js

اپنا تبصرہ بھیجیں