بلوچستان میں 300 سے زائد افراد کے ایچ آئی وی ٹیسٹ مثبت آنے کا انکشاف

مکران: بلوچستان کے ڈویژن مکران کے شہر تربت میں 300 سے زائد افراد میں ایچ آئی وی (ایڈز) کے ٹیسٹ مثبت آنے کا انکشاف ہوا ہے، تمام مریض کیچ ایچ آئی وی سنٹر علاج کی غرض سے لائے گئے۔

تفصیلات کے مطابق 310 افراد کے ایچ آئی وی ٹیسٹ مثبت آئے جن میں 2 سو 50 افراد کا تعلق کیچ، 31 کا لسبیلہ، 27 کا گوادر، ایک کا آوران اور پنجگور سے ہے۔

تربت کے ہیلتھ افسر ڈاکٹر فاروق رِند کے مطابق تمام مریض کیچ ایچ آئی وی ٹریٹمنٹ سینٹر میں لائے گئے تھے۔رپورٹ کے مطابق گزشتہ ماہ تک 107 مریض کیچ ایچ آئی وی ٹریٹمنٹ سینٹر میں زیرِ علاج تھے۔

ڈاکٹر فاروق رِند کے مطابق یہ تمام افراد مختلف وجوہات کے باعث ایچ آئی وی کا شکار ہوئے ’بعض افراد کو سرنج کے استعمال، منشیات کےلئے استعمال ہونے والے آلات اور کچھ افراد کو جسمانی تعلقات سے یہ مرض منتقل ہوا۔

حالیہ چند دنوں میں سندھ کے شہر لاڑکانہ میں ڈاکٹر کی جانب سے مبینہ طور پر بچوں سمیت 282 افراد میں ایچ آئی وی منتقل کرنے کی خبریں سامنے آئی تھیں۔ اس کے علاوہ 10 مئی کو سندھ کی تحصیل رتوڈیرو میں ایڈز کے مزید 56 کیسز سامنے آئے تھے۔

ڈاکٹر سکندر میمن کے مطابق 930 افراد کے خون کے نمونوں کی اسکریننگ کی گئی جن میں سے250 سے زائد کو ایچ آئی وی مرض کی تشخیص ہوئی۔ یاد رہے کہ رتوڈیرو میں ایڈز کے کیسز سامنے آنے کے بعد محکمہ صحت اور انسداد ایڈز کے لیے کام کرنے والی تنظیموں نے اسکریننگ کیمپ لگانے کا فیصلہ کیا تھا ۔

News Source

کیٹاگری میں : صحت

اس خبر پر اپنی رائے کا اظہار کریں

اپنا تبصرہ بھیجیں